"CAJAS DE VIDA: PAISAJES QUE NOS NARRAN"

(hausnarketa)

Harrigarria egiten zait lehenengo begiradan jarduera sinple bat iruditzen zaigunak eduki ditzakeen emaitzak, testua irakurtzen hasi bezain laster konturatuko gara ez dela gaur egun ezagutzen ditugun jarduerak bezalakoak, edo hobeto esanda ez dela jarduera bat, baizik eta egunerokotasunean oso interesgarria den baliabide bat.

Kaxa hauen bitartez haurrek haien sekretu intimoenak kontatzen dituzte, haien kezkak eta zalantzak zabaltzen dituzte bertako parte diren talde handi baten aurrean , komentatzen dituzte, eta  besteak beste gainontzeko haurrekin identifikatzen dira, elkar laguntza eta konplizitatea bultzatzen da , bai  eta aurre iritziak baztertzeko tresna dela ere esango nuke.

Dibertsitatearen aurrean ere eta lehen esan bezala aurre iritziak ezabatu edo tratatzeko tresna ezin hobea dela iruditzen zait, izan ere adibidez beste herrialde bateko haurren bat gelan egonez gero kaxa hauetatik abiatuta, informazio ugari eskuratu dezakete kultura eta ingurugiro desberdinetatik, berdintasunerako bide bat hartuz.

Horretaz gain eta uste dut ekintza honen ezaugarri nagusietako bat izango litzatekeela, haurren interesetatik abiatuta ikerketa bultzatzea , irakasleak gaia aukeratu edo ekintza bideratu beharrean. Maria eta bere ahizpa Juliaren artean gertatzen den bezala, neurri batetik abiatuta, identifikatzen gaituzten zenbakien inguruan ezagutza mordoa eskuratuz eta ikertuz doaz haurrak.

Beste funtsezko puntu bat, helduen parte hartze aktiboa da, bai kaxak prestatzen eta moldatzen dituzte bakoitzean, zer gauza ipiniko dituzten aukeratzen lagunduz (haien inguruko informazioa emanez, baina haurren erabakian eragin gabe), bikien kasuan informazioa ematera gela barrura sartzen direnean edo eta irakaslearen familiaren inguruan interesa piztu eta bere ahizpa eta bere ama gelara haiei buruzko informazioa ematera joaten direnean.

Hau guztia aipatu ondoren esan beharra daukat oso ekintza interesgarria iruditzen zaidala, eta aldi berean ez zaidala aurrera eramateko zaila iruditzen, soilik inplikazio maila on batekin lor daitekeen gauza  dela esango nuke, bai familia eta baita irakaslearen partetik, eta soberan dakigu gurasoak parte hartzeko irrikitan egoten direla normalean. Beraz nire iritziz hain aberasgarria den ekintza hau eskola guztietan proposatu eta aurrera eraman beharreko ekintza bat da.